Супер-Инфо
super.kg видео
ТЕСТ: Мирбек Атабековдун ыр тандоодо бир принциби бар. Ал кайсы сөздү ыр саптарына кошпойт?
Кыргыз Республикасынын Эмгек сиңирген артисти Мирбек Атабеков көп жылдан бери ийгиликтүү эмгектенип келет. Анын ар бир чыгарган ыры хит болуп же эл арасында талкуу жаратат. Кыргыз эстрадасынын №1 ырчысы катары саналган Мирбек Атабеков тууралуу сиз канчалык маалымат билесиз, өзүңүздү тест аркылуу сынап көрүңүз!
1
2
3
4
5
6
7
8
9
10
11
12
13
14
15
Бул кадр Атабековдун кайсы клибинен алынган?
Былтыр Мирбек Атабеков казакстандык ырчы Камшат Жолдыбаева менен "Тыңда мени" деген дуэт жаздырышкан. Ал ырга тартылган клипте ырчылар сүйүшкөндөрдүн ролун жаратып, клипте ашыктыктын "ысык" кадрлары болгондуктан, эл арасында чоң талкууга түшкөн.
"Бай болгом"
"Тыңда мени"
"Бир өзүң"
Ырдын баш сабын табыңыз. “... Күнөөсүз бирөө сагынат”
“Күндөр жаңырат, Күнөөсүз бирөө сагынат”. Бул ыр саптары 2009-жылы хитке айланган “Күндөр жаңырат” деген ырынан алынган.
Күндөр жаңырат
Күндөр алмашат
Күнүм адашат
Ырчынын репертуарында орус тилинде да ырлары көп. Төмөнкү ырлардын кайсынысы Мирбек Атабековго таандык эмес?
“Где ты?” деген ыр Мирбек Атабековдун репертуарына таандык эмес. Аны Омар аткарат.
"Не моя"
"Потанцуй со мной"
"Где ты?"
"Сагынам" деген ырлар көп. Кайсы ыр сабы Мирбек Атабековго таандык?
Жанымда түбөлүккө калбадың, Жазыксыз жүрөгүмдү арбадың... Бир кезде жаштар ушул саптарды кыңылдап ырдап калган. Мирбек Атабековдун “Сагынам” аттуу ырында жогоруда келтирилген саптар бар.
Жанымда түбөлүккө калбадың, Жазыксыз жүрөгүмдү арбадың.
Сагынам, сагынам, сагынам дагы да, Жүрөмүн, жүрөмүн, жалгыз кайгыда.
Сагынамын сени, кыйнабачы мени, Күтө берем, ардагым.
Мирбек Атабеков чыгармачылыгынын башында Ильяз Абдыразаков, Азиз Жетигенов үчөө биригип топ түзүшкөн. Топ кандай аталган?
2003-2004-жылдары Мирбек Атабеков, Ильяз Абдыразаков, Азиз Жетигенов кафеде иштеп жүрүп таанышып, “Санат” деген топ түзүшкөн. Топтун курамында алар “Жүзүң” аттуу ырды чыгарып, андан кийин топ тарап кеткен.
"Санат"
"Жүзүң"
"Трио"
Киного алгачкы жолу саундтрек катары ырдалган ыры?
Эсиңиздерде болсо, “Жаным” аттуу ыры алгачкы жолу Эрнест Абдыжапаров режиссёрлук кылган “До+Фа” тасмасына саундтрек катары колдонулган.
"Жаным", ("До+Фа")
"Сүйүүм сакталат", ("Талисман")
"Күндөр жаңырат", ("Сюрприз")
Ырчы мырза канча жашында “Кыргыз Республикасынын Эмгек сиңирген артисти” наамын алган?
2016-жылы 30 жашында Мирбек Атабеков Кыргыз Республикасынын Эмгек сиңирген артисти наамын алган.
27
29
30
Мирбек Атабековдун ыр саптарын толукта. Гүл бакчаны аралап, Экөөбүз бирге...
Гүл бакчаны аралап, Экөөбүз бирге жүрөбүз. Бул ыр саптары Ибрагим Жунусовдун калемине таандык “Алдадың” деген ырынан. Мирбек Атабеков аткаргандан кийин аталган ырды казак ырчысы Сырым Исабаев да аткарып чыккан.
Кетебиз
Барабыз
Жүрөбүз
Ырчы мырза бир кезде Кыргыз өлкөсүндө чыгармачылыгын токтотуп, башка жакка кетмей болгон. Аны кайсы өлкө иштешүүгө чакырган?
Ырчы мырза продюсери Канат Култаев менен иштешип баштаганда ага Казакстандан кирешелүү келишим сунушташкан. Продюсери менен келишими бүтө элегине байланыштуу ал сунуштан баш тарткан.
Казакстан
Орусия
АКШ
Келечектеги жылдызды ким багып-чоңойткон?
Мирбек Атабеков кичинекей кезинде атасы каза таап, апасы Бишкекке көчүп келген. Ал эми наристени чоң ата, чоң апасы “уулубуздан калган медерди бизге калтырып кет” деп алып калышат. Болочоктогу ырчы мырза 6-классында Бишкекке, апасынын жанына көчүп келет.
Таенеси
Апасы
Чоң энеси
Мирбек Атабеков тушоо кесүү концертин кандай аталышта берген?
Мирбек Атабеков деген ысымды чыгарган “Сени гана” аттуу ыр болду. Аталган ыр популярдуу болуп турган чакта ырчы мырза продюсери менен иштешүүнү баштап, “Сени гана” деген алгачкы концертин берген.
"Жүзүң"
"Сени гана"
"Алтын энем"
Ырчы мырза кайсы эл аралык сынакка катышкан эмес?
Мирбек кезинде Кыргызстандын атынан «5 жылдыз», «Жаңы толкун» эл аралык музыкалык сынактарга катышкан. Ал эми «Славян базары» сынагына катышкан эмес.
“5 жылдыз”
“Жаңы толкун”
“Славян базары”
Мирбек Атабековдун ыр тандоодо бир принциби бар. Ал кайсы сөздү ыр саптарына кошпойт?
"Менин жашоодо бир принцибим бар. Өткөн нерселерге өкүнбөйм. Эгер ишим жакшы болбой жатса да, арман кылбай “баары жакшы” деп жооп берем. Андыктан ырларымда да арман деген сөздү колдонбойм", - дейт Мирбек Атабеков.
Өкүнүү
Арман
Тажадым
Ырчы окуучу кезинен тартып иштеп баштаган. Эң алгач кайсы жумушта иштеген?
Окуучу кезинде сынакка катышмай болуп, Мирбек Атабеков ресторанда иштеген музыкантка ыр жаздырат. Музыкант ырчы мырзанын жандуу ырдаган үнүн жактырып, дароо жумушка чакырган. Ошентип ырчы мырза окуучулук кезинен тартып кафелерде музыкант болуп иштеп баштаган.
Сатуучу
Официант
Музыкант
Мирбек Атабеков канча ирет “Супер-Инфо” гезитинин тандоосу боюнча “Жылдын супер ырчы мырзасы” наамын алган?
Мирбек Атабеков 3 ирет “Супер-Инфо” гезитинин тандоосу боюнча “Жылдын супер ырчы мырзасы” аталган.
3
5
6
"Гүлсарат", "Ак кеме"... Айтматовдун чыгармаларын унута элексизби?
Сиздин упайыңыз
0
Сиздин упайыңыз
80
ТУУРА ЖООП: 12
КАТА ЖООП: 3
ЖАЛПЫ: 15 СУРОО
Азаматсыз! Сиз ырчынын чыныгы күйөрманы экенсиз!