Бишкекте өрттөнгөн бала бакчанын тарбиячысы: "Биринчи эле балдарды куткаруу керек деген ой келди" (бийиктиктен тартылган видео)

Бүгүн, 10-октябрда Бишкектин Көк-Жар конушунда бала бакча өрттөндү. Өрт чыккан учурда балдар жаңы эле уйкудан ойгонушкан. Бала бакчанын тарбиячысы Олеся Петрачкова коркунучтуу тасмадагы көрүнүштөр өзүнүн жашоосунда орун алгандай болгонун SUPER.KG порталына айтып берди.

"Биздин бала бакчада 6 тайпада балдар тарбияланат. Ошол учурда абдан коркунучтуу болду, бирок акыл эсти токтотуп, ызы-чууга алдырбай балдарды куткарууну баштадык. Баарыбыздын оюбуз балдарды аман-эсен сыртка чыгаруу болуп, болгон аракетибизди көрдүк", - деди ал.

Өрт короодо жайгашкан электр подстанциясынан улам чыгышы мүмкүн деп болжолдонуп жатканын өрт өчүрүү кызматынын өкүлү белгиледи. Жалпысынан кырсык болгон жерге 3 бригада тартылган. Балдар коңшу жашаган үйгө эвакуацияланган. Балдарды өрт болуп жаткан жерден чыгарууга коңшулар да ыкчам кол кабыш кылып, натыйжада бардык бөбөктөр жана кызматкерлер аман.

Толугу менен видеорепортажда.