Бишкек мэриясы: "Бишкек шаары кышка 90 пайыз даяр" (видео)

Бишкек шаардык кеңештин турак жай-коммуналдык чарба, отун энергетикалык комплекс, транспорт, коммуникациялар жана инвестициялар боюнча туруктуу комиссиясы Жумабек Салымбековдун төрагалыгы астында 2019-2020-жылга карата күзгү-кышкы даярдыктар жөнүндө жыйын өтүүдө.

Жыйынга Бишкек шаарынын вице-мэрлери, район башчылары жана шаардык чарба департаменти жана бир нече бул тармакка тиешелүү кызматтардын жетекчилери катышууда.

Туруктуу комиссиянын төрагасы Жумабек Салымбеков кышка болгон даярдыктар тууралуу айтып берди. Анын пикиринде, Бишкек шаары учурда 90 пайызга кышка даяр.

"Учурда тиешелүү тараптарды чакырып, кышка болгон даярдыкты талкуулап жатабыз. Учурда Бишкек шаары 90 пайызга кышка даяр. Кыш келе элек болгондуктан, суук түшкөнгө чейин шаар 100 пайызга даяр болот деп турабыз. Муктаж үй-бүлөлөргө акысыз көмүр, отундарды жеткирүү каралууда", - деди Салымбеков.