Нарында автокырсыктан 4 мектеп окуучусу каза болду

12-август күнү саат 12:00 чамасында Нарын-Баетов унаа жолунун 19-чакырымында жол кырсыгы болуп, 4 мектеп окуучусу каза тапты. Маалыматты Нарын ШИИБинин басма сөз кызматы билдирди. 16 жаштагы Т.У. үйүнөн Гольф-2 автоунаасын жашыруун айдап чыгып кырсыкка кабылды. Унаада бара жаткан Нарын шаарындагы А.Буйлаш уулу атындагы №8-орто мектептин 10-классынын 4 окуучусу кырсык болгон жерде каза болушту. Ал эми айдоочу жана 1 жүргүнчү шаардык ооруканага жеткирилген. Учурда окуяны иликтөө иштери жүрүүдө.