Элчилик: "Санкт-Петербург шаарында жол кырсыгына кабылган айдоочу Кыргыз жараны болгон"

Кечээ, 23-октябрда Орусиянын Санкт-Петербург шаарындагы көчөлөрдүн кесилишинин биринде жол кырсыгы катталган. Кырсыктан 8 киши жабыркаган. Алардын ичинен эң оор абалдагысы Renault үлгүсүндөгү унаанын айдоочусу Надежда Ильина экени белгилүү болгон. Надежда Ильина 38 жашта экенин жана билим берүү тармагынын кызматкери болуп эмгектенип келгенин маалымат каражаттары жазып чыгышкан.

Ал эми Volkswagen үлгүсүндөгү унаанын айдоочусу 33 жаштагы Сухбатулло Киргизбаев экени белгилүү болду. Ал Кыргыз жараны болуп, көп жылдан бери Орусия өлкөсүндө жашап, иштеп келген.

Бул маалыматты SUPER.KG порталына Кыргыз өлкөсүнүн Орусиядагы элчилиги дагы тастыктады.

"Санкт-Петербург облусунун ички иштер бөлүмүнүн маалыматына ылайык, жол кырсыгындагы Volkswagen үлгүсүндөгү унаанын айдоочусу 33 жаштагы Сухбатулло Киргизбаев Кыргыз өлкөсүнүн жараны болуп эсептелинет. Ал кармалып, сурак берүүдө. Бул окуяны элчилик көзөмөлүнө алат", - деп билдирет элчиликтин маалымат кызматынан.