Экс-мэрлер Кубанычбек Кулматов менен Албек Ибраимовдун соттук отуруму. Кулматов сотто көрсөтмө берүүдөн баш тартты

Бүгүн, 4-ноябрда Бишкектин Ленин райондук сотунда экс мэрлер Албек Ибраимов менен Кубанычбек Кулматовго карата каралып жаткан кылмыш иши боюнча кезектеги соттук отурум болуп өттү.

Бүгүнкү отурумда айыпталуучу Кубанычбек Кулматов кɵрсɵтмɵ берүүдɵн баш тартты. Ал эми мэриянын өкүлү А.Турумбекова кошумча кɵрсɵтмɵ берди.

Жактоочу Сергей Слесарев судьяга далил катары экспертизалардын корутундуларын далилдердин тизмегинен алып салуу жɵнүндɵ ɵтүнүч менен кайрылды. Бирок сот аны канааттандырган жок.

Соттук отурумда жактоочу Слесарев эксперт Н.Молдосановду соттук отурумга камсыз кылууну. Бишкек шаардык мэриясы менен Билим берүү жана илим министрлигине келтирилген чыгымдар тууралуу документти, ошондой эле мэрия менен министрликтин кызматкерлерин соттук териштирүүгө камсыз кылууну. Прокурорлорго жалган көрсөтмө берген экспертти кылмыш жоопкерчилигине тартуу тууралуу өтүнүчтөрдү сотко келтирди. Бул өтүнүчтөр жарым-жартылай канааттандырылды.

Ал эми мамлекеттик айыптоочулар айыпталуучулардын бɵгɵт чарасынын мɵɵнɵтү бүтүп бара жаткандыгына байланыштуу бɵгɵт коюу чарасын жана соттук териштирүүнүн мɵɵнɵтүн узартуу ɵтүнүчүн келтиришти. Судья өтүнүчтү канааттандырып, кийинки отурумду 6-ноябрь күнү саат 09:00гө белгиледи.