Лейлек районунун Катыраң айылдык кеңешинин депутаты: "Бошоң саясаттын айынан чек арадагы көйгөй кайталанып келет"




Бошоң саясаттын айынан чек арадагы көйгөй кайталанып келе жатканын бүгүн, 13-октябрда "Мамлекеттүүлүк чек арадан башталат" деген аталышта өтүп жаткан пресс-конференция учурунда Лейлек районунун Катыраң айылдык кеңешинин депутаты Сапарали Бөрүбаев айтты. Анын айтымында, кайрылуулардан эч кандай жыйынтык болбой, бүгүнкү күндө дагы Баткен аймагындагы чек ара коркунучта турат.
"Чек аранын бекемдиги Кыргыз өлкөсүнүн аймактык бүтүндүгү болуп эсептелинет. Баткен облусундагы чек ара маселеси чечилбесе, Баткен облусунун 3 айыл өкмөтү Ак-Сай, Ак-Татыр жана Самаркандек
жана Лейлек району толугу менен Кыргыз өлкөсүнөн ажырап калуу коркунучунда турат. Кыргыз жери Жерге-Тал сыяктуу Тажикстанда калып кетүү коркунучунда калды", - деди ал.
Жыйынга катышып жаткан жергиликтүү кеңештин депутаттарынын айтымында, бийлик буга чейин болуп келген окуялардан сабак алган эмес.
“Бошоң саясаттын айынан чек арадагы көйгөй кайталанып келет”








1 |