Супер-Инфо
super.kg видео
ТЕСТ: Кыргыз киносуна 78 жыл. Кыргыз улуттук киносу тууралуу эмне билесиз?
1941-жылы 17-ноябрда Кыргыз ССР Эл комиссарлар кеңеши тарабынан Фрунзе кинохроника студиясын уюштуруу тууралуу токтомго кол коюлган. 1961-жылы киностудия "Кыргызфильм" деп аталган. 1991-жылы Советтер Союзу урап, карапайым эл жегенге нан таппай турган чакта жаңы муун кыргыз киносунун жок болуп кетишине жол бербей, улуттук кино өндүрүшүн түптөгөн. Бул курамда режиссёрлор Актан Арым Кубат, Эрнест Абдыжапаров, Марат Сарулу, Темир Бирназаров жана башкалар болду. 1994-жылдан тартып 17-ноябрь - Кыргыз улуттук киносунун күнү деп белгиленип келет. Андан бери кыргыз киносу өнүгүп, эң беделдүү эл аралык кинофестивалдардан байгелүү кайтууда. Андыктан Кыргыз Республикасы эгемендүүлүккө ээ болгондон кийинки кино өндүрүшү тууралуу кеп кылабыз. Сиз Кыргыз улуттук киносу тууралуу эмне билесиз, тесттен өтүп, өзүңүздү сынап көрүңүз.
1
2
3
4
5
6
7
8
9
10
11
12
13
14
15
"Айыл өкмөтү" тасмасында участковыйдын ролун кайсы актёр ойногон?
Аскат Сулайманов "Айыл өкмөтү" тасмасында участковыйдын ролун ойноп, ошол ролу менен көпчүлүктүн эсинде калган.
Борончу Кудайбергенов
Аскат Сулайманов
Болот Тентимишов
Кыргыз киносунун тарыхында тартылган биринчи мюзикл?
Айбек Дайырбеков киночулардын арасынан биринчилерден болуп "Дарак ыры" мюзиклин тарткан.
"Дарак ыры"
"До+Фа"
"Мегатой"
"Бир тууганчик" тасмасына жазылган саундтрек кайсы?
"Бир тууганчик" тасмасына саундтрек катары Арсен менен Бегиш "Кыш" деген ырды жаздырышкан.
"Мирбек Атабеков "Жаным"
Арсен, Бегиш "Кыш"
Урмат, Неля "Кыз-жигит"
2014-жылы тартылган Кыргыз өлкөсүнүн тарыхындагы эң кымбат тасма?
2014-жылы Садык Шер-Нияз режиссёрлук кылган"Курманжан Датка" тасмасы жылдын эң кымбат тасмасы болгон.
"Салам, Нью-Йорк"
"Көч"
"Курманжан Датка"
"Нонсенс", "Ноктюрн", "Метаморфоза" тасмаларынын автору ким?
"Нонсенс", "Ноктюрн", "Метаморфоза" тасмалары "кыргыз кереметине" салым кошкон атактуу режиссёр Геннадий Базаровго таандык.
Геннадий Базаров
Марат Сарулу
Эмил Жумабаев
"Ак илбирс" улуттук киносыйлыгы качан берилип баштаган?
2012-жылы алгачкы ирет "Ак илбирс" улуттук киносыйлыгы жыл ичинде ийгилик жараткан киночуларга берилип баштаган.
2011
2012
2013
Кыргыз кинематографиясындагы алгачкы толук метраждуу анимациялык тасма?
Кыргыз киносунун тарыхында алгачкы ирет "Аку" толук метраждуу мультфильми тартылган.
"Актан Акылай"
"Аку"
"Жетикс"
Кайсы актёр манасчы Саякбай Каралаевдин ролун эки жолу ойногон?
Марат Жанталиев эки ирет Саякбай Каралаевдин ролун жараткан. Биринчиси Мелис Убукеев тарткан "Манастын ааламы" ("Вселенная Манаса") тасмасында, экинчиси Эрнест Абдыжапаровдун "Саякбай" тасмасында.
Марат Жанталиев
Марат Алышпаев
Марат Козукеев
Кыргыз өлкөсүнө биринчи ирет "Ника сыйлыгын" алып келген тасма?
2016-жылы киночулардан биринчи болуп Мирлан Абдыкалыковдун "Сүтак" тасмасы "Ника" сыйлыгын алган.
"Түнкү кырсык"
"Кентавр"
"Сүтак"
"Салам, Нью-Йорк" тасмасындагы баш каарман Баатыр Америкада кайсы кесипке окуйт?
"Салам, Нью-Йорк" тасмасындагы баш каарман Баатыр Америкада юристтик кесипке окуп, ал жактан жакшы жумушка орношууга мүмкүнчүлүк түзүлгөн.
экономист
юрист
тармактык бизнес
2006-жылдын эң кирешелүү тасмасы?
2006-жылы Рустам Аташов тарткан "Министрдин кызынын махабаты" тасмасы эң кирешелүү тасма болгон.
"Гу Чжун Пёго кантип турмушка чыгуу керек?"
"Министрдин кызынын махабаты"
"Салам, Нью-Йорк"
“Бул айылдын эң эле маданияттуусу бизбиз. Жадакалса этти бычак, вилка менен жейбиз”. Бул кайсы тасмадан алынган цитата?
Эрнест Абдыжапаровдун "Боз салкын" тасмасында Мураттын апасы Асема келгенде "Бул айылдын эң эле маданияттуусу бизбиз. Жадакалса этти бычак, вилка менен жейбиз” деп айткан.
"До+Фа"
"5000 сом"
"Боз салкын"
Режиссёр Актан Арым Кубат өзү тартылган тасмасы?
Актан Арым Кубат 2010-жылы "Свет аке" тасмасын тартып, анда өзү башкы ролду жараткан.
"Маймыл"
"Беш кемпир"
"Свет аке"
Бул кадр кайсы тасмадан алынган?
Бул кадр Темир Бирназаровдун "Түнкү кырсык" тасмасынан алынган.
"Түнкү кырсык"
"Түнкү күзөт"
"Түнкү көпөлөк"
Эл аралык беделдүү кинофестивалдардан байгелерди алган "Аталар керээзи" тасмасынын режиссёру кайсы куудул?
"Аталар керээзи" тасмасын куудул, режиссёр Бакыт Мукул Дастан Жапар уулу менен биргеликте тарткан. Аталган тасма эл аралык кинофестивалдарда көп байгени багынткан.
Борончу Кудайбергенов
Рахман Разыков
Бакыт Мукул
"Гүлсарат", "Ак кеме"... Айтматовдун чыгармаларын унута элексизби?
Сиздин упайыңыз
-2
Мындай сурамжылоонун барынан жогу.....
Сенин тушунугун менен бир кыр да аша албайсын.....
Минус басчуулар мага эле баскылачы!
Элдер Жакшы жазса да жаман жазса да "минус" баса бербей.
Тушунбойм селерге 100 упай алдым деп жазса да баса бересинер.
https://www.super.kg/sonku_kabar/news/287277/