Аймактар аралык касташууну козуткан социалдык тармактардын колдонуучусу кармалды

Аймактар аралык касташууну козутуу фактысы боюнча социалдык тармактардын активдүү колдонуучусу кармалды. Ал Улуттук коопсуздук мамлекеттик комитетинин Башкы тергөө башкармалыгы тарабынан 24-ноябрда кармалган.

"Аймактар аралык касташууну козутуу фактысы боюнча социалдык тармактардын активдүү колдонуучусу А.Ж. кармалып, УКМКнын тергөө камак жайына киргизилди.

Кармалган жаран жалган, чагымчыл жана учурдагы өкмөттү жамандаган маалыматтарды социалдык тармактын колдонуучуларына жайылтып, массалык нааразычылык актыларын уюштурууга үндөгөн. Натыйжада колдонуучулар арасында каршы ойлор жаралып, аймактар аралык касташууну жараткан. Мындан улам 25-ноябрда А.Ж`га Кылмыш-жаза кодексинин 313-беренесинин 2-бөлүмүнүн 2-пункту (аймактар аралык касташууну козутуу) боюнча кылмышка шектүү экени билдирилген. Учурда тергөө жүрүп жатат", - дейт маалымат кызматынан.