Владимир Путин Жамааттык коопсуздук келишими уюмунун жыйынына катышуу үчүн Кыргыз өлкөсүнө келди

Орусиянын президенти Владимир Путин бүгүн, 28-ноябрда Жамааттык коопсуздук жөнүндө келишими уюмунун кезектеги сессиясына катышуу үчүн келди. Маалыматты президенттик аппараттын басма сөз кызматынан кабарлады.

Владимир Путинди "Манас 2" эл аралык аэропортунан өлкө башчы Сооронбай Жээнбеков тосуп алды.

Жамааттык коопсуздук кеңешинин кезектеги сессиясына катышуунун алкагында Сооронбай Жээнбеков жана Владимир Путиндин эки тараптуу жолугушуусу болот.

Жамааттык коопсуздук келишими уюму – "тынчтыкты, эл аралык жана аймактык коопсуздукту жана туруктуулукту бекемдөө" максатын көздөгөн эл аралык уюм. Уюмга Орусия, Армения, Беларусь, Казакстан, Кыргыз Республикасы жана Тажикстан мүчө болуп саналат.