Супер-Инфо
super.kg видео
ТЕСТ: Китепкөй адамсызбы? Кыргыз адабиятын мыкты билип же билбегениңизди байкап көрүңүз
Кыргыз адабиятын өнүктүрүп, сактап, даңазалоо максатында Кыргыз өкмөтү 12-декабрды Улуттук адабият күнү деп жарыялоо чечимин кабыл алган.
Бул күнү кыргыз элинин залкар жазуучусу Чыңгыз Айтматов туулган. Ал тирүү болгондо быйыл 91 жашка чыкмак. Кыргыз десе Чыңгызды, Чыңгыз десе кыргызды тааныган дүйнө жүзүндө анын чыгармалары 170тен ашык тилге которулуп, дүйнөлүк адабиятта орчундуу орунду ээлейт. Ошондой эле бул күнү кыргыздын алп акыны Алыкул Осмонов айыккыс дарттын кесепетинен жарык дүйнө менен кош айтышкан.
Кыргыз адабияты тууралуу дагы эмнелерди билесиз? Төмөндөгү тесттен өтүп, билимиңизди сынап көрүңүз.
кошулду
1
2
3
4
5
6
7
8
9
10
11
12
13
14
15
Кыргыз элинин тарыхында басмага жарыяланган алгачкы чыгарма кайсы заманачы акынга таандык болгон жана ал кандай аталат?
Молдо Кылычтын “Зилзала” аттуу чыгармасы 1911-жылы Казань шаарында араб алфавити менен басылып чыккан.
Молдо Кылыч “Зилзала”
Арстанбек Буйлаш уулу “Тар заман”
Калыгул Бай уулу “Акыр заман”
“Бирок сен, апа, жоксуң... Сен боору суук кара жердин койнунда түбөлүк уйкуда жатасың... - деп ... ыйлады. Көзүнүн жашы он талаа болуп, бетин жууду”. Бул монолог кимдин жана кайсы чыгармасында берилет?
Бул монолог Касымалы Баялиновдун “Ажар” повестиндеги Ажардын монологу. Повесть үркүндө ата-энесинен ажырап, өзүнөн бир топ жашка улуу кишиге сатылган Ажар аттуу кыз кабылган оор тагдыр аркылуу кыргыз элинин башына түшкөн апаат баяндалат. Чыгарманын аягында Ажар карышкырларга жем болуп, каза болот.
Чыңгыз Айтматов “Саманчынын жолу”, Толгонайдын монологу
Касымалы Баялинов “Ажар” повести, Ажардын монологу
Өскөн Даникеев “Кыздын сыры”, Жамалдын сөзү
Нарбото, Алим хан, Шерали, Ажыбай датка, Нүзүп, Мусулманкул, Кудаяр, Алымбек датка, Курманжан датка, Абдылдабек, Скобелев, Болот (Исхак)... Жогоруда аты аталган инсандар кайсы жазуучунун тарыхый романынын каармандары?
Жогоруда аты аталган инсандар белгилүү жазуучу Төлөгөн Касымбековдун “Сынган кылыч” тарыхый романынын каармандары. Бул роман Кокон хандыгы мезгилиндеги элдин коомдук абалын сүрөттөгөн роман.
Түгөлбай Сыдыкбеков “Көк асаба”
Аалы Токомбаев “Кандуу жылдар”
Төлөгөн Касымбеков “Сынган кылыч”
"Сүйөм сени сүйгөндүгүм сүттөн ак, сени сүйгөн тагдырыма ырахмат". Бул ыр саптары Алыкул Осмоновдун кайсы чыгармасына таандык?
Бул Алыкул Осмоновдун "Ата журтум" деген чыгармасынан үзүндү алынды. "Сүйөм сени, сүйгөндүгүм сүттөн ак, Сени сүйгөн тагдырыма ырахмат. Өлгөндө да сенин таттуу жытыңды, Жаткым келет көкүрөккө кучактап".
"Сулууга"
"Ата журтум"
"Аялга"
Чыңгыз Айтматовдун “Кылым карытар бир күн” романындагы “Маңкурт тууралуу баянда” өз энесине жаа аткан маңкурттун өз аты ким?
“Кылым карытар бир күн” романында баяндалган “Маңкурт тууралуу баянда” душмандардын кулчулугуна түшүп, акылынан ажырап, өз энесин тааныбай, жаа менен атып өлтүргөн маңкурттун өз аты Жоламан болгон.
Эдигей
Дөнөнбай
Жоламан
Касымалы Жантөшевге атактуулукту алып келген жана өз учурунда окурмандар башына жазданып жатып окуган чыгармасынын аталышы кандай?
"Каныбек" эки томдуу тарыхый роман. Романда кыргыз элинин орус империясынын алдындагы жашоо-турмушу, социалдык абалы сүрөттөлөт.
"Каныбек" романы
"Эки жаш" повести
"Курманбек" драмасы
Аалы Токомбаевдин аңгемесинин атын толуктаңыз “Күүнүн ...”
Аңгеме “Күүнүн сыры” деп аталат. Аңгемеде 103 жаштагы карыя башынан өткөн муңдуу окуясын жолоочуларга баяндап берет.
баяны
тарыхы
сыры
Төмөндөгү драмалардын кайсынысы Мар Байжиевге таандык?
“Төрт адам” драмасы Мар Байжиевге таандык. Анда курч адеп-ыймандык маселелер козголгон.
“Жүрөлүчү жүрөк оорутпай”
“Төрт адам”
“Ханышанын көз жашы”
Акылбек карыя менен тентек небереси Жеңишбектин окуясын баяндаган белгилүү “Атанын тагдыры” драмасы кимдин калемине таандык?
“Атанын тагдыры” драмасын Бексултан Жакиев 21 жашында 4 күндө күнү-түнү уктабай жазган.
Бексултан Жакиев
Токтоболот Абдымомунов
Касымалы Жантөшев
"Жайдын түнү… Аба салкын, ай жарык, Көп жүрдүк го бак аралап айланып. Бир мезгилде мындай сунуш киргиздиң: "Болдучу эми, түн ортосу, кайталык…" Ушул ырды азыркы учурда эстрада жылдыздары аткарып жүрүшөт, бул ыр саптары кимдин калеминен жаралган?
Жогорудагы ыр саптары сатирик акын Мидин Алыбаевдин калемине таандык. Ыр "Ай жарык" деп аталат.
Байдылда Сарногоев
Мидин Алыбаев
Райкан Шүкүрбеков
"Муздак дубалдар", "Күн автопортретин тартып бүтө элек", "Жети сөз жана Конфуций" деген өзгөчө стилдеги чыгармалардын автору ким?
Жогорудагы чыгармалар Кыргыз эл жазуучусу Кубатбек Жусубалиевге таандык.
Кубатбек Жусубалиев
Казат Акматов
Асанбек Стамов
“Чоочун киши”, “Астра гүлү”, “Жетимдер” бул чыгармалар кайсы жазуучу айымга таандык?
Жогоруда аты аталган чыгармалар белгилүү жазуучу айым Зуура Сооронбаевага таандык.
Жыпара Исабаева
Зуура Сооронбаева
Бактыгүл Чотурова
Белгилүү жазуучу Казат Акматовдун "Архат" романында кайсы маселеге басым жасалып, ал каармандын аты менен айкалыштырылган?
Казат Акматовдун "Архат" романында адилеттүүлүккө басым жасалган. Романдагы баш каарман Адилет бүткүл өмүрүн дүйнөдөгү адилеттүүлүк үчүн арнайт.
Эркиндик
Адилеттүүлүк
Бакубаттуулук
Окурмандардын жүрөгүнөн түнөк тапкан “Ант” романы, “Япон кереметинин сыры”, “Ээсине кайткан роза” чыгармалары кимдин калемине таандык?
Аталган чыгармалар бир нече китептердин автору Нуржигит Кадырбековго таандык.
Зайырбек Ажыматов
Карбалас Бакиров
Нуржигит Кадырбеков
"Такыр эле сабаты жок Батма энем өмүр бою Ат-Башыдан алты карыш ары аттабагандыктан, дүйнө Ат-Башыдан башталып, Ат-Башыдан бүтөт деп ойлочу окшобойбу”. Бул үзүндү Шайлообек Дүйшеевдин кайсы чыгармасынан алынды?
Бул үзүндү “Агындылар” чыгармасынан алынды. Бул китепте Шайлообек Дүйшеевдин өмүр таржымалы баяндалат.
“Алтайдын ошол поюзу”
“Кайдыгерлик”
“Агындылар”
"Гүлсарат", "Ак кеме"... Айтматовдун чыгармаларын унута элексизби?
Сиздин упайыңыз
0
жооп берейин ал АЙТМАТОВ!