Мексикада кызганчаак аял күйөөсүн аңдымакчы болуп, унаанын багажына жаш баласы менен жашынып алган

Мексиканын борбору Мехико шаарында аял таксист күйөөсүн текшерүү максатында жаш баласы менен унаанын багажына жашынып алып, аңдымакчы болгон. Бул тууралуу жергиликтүү маалымат каражаттары жазып чыгышты.

Кызганчаак аялы такси кызматында иштеген күйөөсүн текшерүү максатында жаш баласы менен унаанын багажына жашынып алып, аңдымакчы болгон. Бул окуяга таксиде бара жаткан кардар да күбө болгон. Унаанын багажынан дабыштар угулганда, айдоочу багажын ачкан. Эң кызыгы айдоочу багаждан өз аялын жана баласын көрүп, нес болгон. Кардар бул көрүнүштү сүрөткө тартып алып, Фейсбук социалдык тармагындагы баракчасына жүктөгөн. Бул окуяга социалдык тармактын колдонуучулары аялды баласынын коопсуздугун жана ден соолугун тобокелге салып, күйөөсүн аңдыганын акылсыздык деп сындашкан.