ТЕСТ: Кениянын акамба уруусунда адамдар эмне үчүн бири-биринин бетине түкүрүшөт? Бул сый көрсөтүүбү же мазактообу?

Ватикан дүйнөдөгү эң кичинекей мамлекет болуп эсептелинет. Аянты 0,44 чарчы чакырым. Башка мамлекеттерден айырмасы төрөлүүнүн дээрлик жоктугу. Калкынын саны 605 киши (2017-жылга карата).

Никосия Кипрдин ордо калаасы. Ал байыркы шаар. Бир эле учурда гректердин жана Кипрдин түндүгүндө отурукташкан түрктөрдүн маданиятынын очогу болуп саналат.

Танзания Африка континентинин чыгыш бөлүгүнөн орун алган. Бул өлкөгө табият байлыгын аяган эмес. Тропикалык сейил бакта 30 миңден ашык жаныбарлардын түрү байырлайт. Ал эми Китуло улуттук сейил багында өсүмдүктөрдүн 350 түрү, орхидеянын 40 түрү бар. Бул сейил бакты “Кудайдын бакчасы” деп да атап коюшат.

Кениянын акамба уруусунда адамдар менен учурашып жатканда сөзсүз анын бетине түкүрүшөт. Бул мазактоо эмес, тескерисинче урмат-сый көрсөтүү катары кабыл алынат.

Бул чай ичүү каадасы. 1662-жылы падыша Карл 2’нин учурунда пайда болгон. Ага ылайык, жакын адамдарың менен чай үстүндө маектешүү же жөн гана чай ичип отуруу. Аты айтып тургандай эле, саат 5ти чай ичүү убактысы деп коюшат.

Дүйнө жүзү боюнча жаза мөөнөтүн өтөп жаткандардын эң көбү АКШда. Эң кызыгы АКШнын аймагында Жер жүзүндөгү калктын 5 пайызы гана жашайт. Ал эми түрмөдөгү кылмышкерлердин саны дүйнөдөгү бардык абактагы адамдардын дээрлик чейрек бөлүгүн түзөт.

Сингапур Республикасы Азиянын түштүк-чыгыш аралдарында жайгашкан. Эгемендүүлүктү 1965-жылы 9-августта алган. Парламенттик башкаруудагы өнүккөн өлкөлөрдүн катарына кирет. Калктын басымдуу бөлүгү англис тилинде сүйлөйт.

Дүйнө жүзүндөгү эң бактылуу өлкө болуп Финляндия эсептелинет. Бул көрсөткүч калктын социалдык жактан камсыздыгы, ден соолугунун, жашоо-шартынын деңгээли, ошондой эле өмүрүнүн узактыгы боюнча аныкталган.

Непалдын борбору Катманду шаарында мышыктардын жокко эсе болгондугуна маймылдардын кол салуусу себеп болгон. Мышыктар айрым храмдарда гана кездешет. Шаарда мышыктар сейрек кездешкендиктен, аларды ыйык көрүшөт.

Нигер Республикасынын негизги өзгөчөлүгү – өлкөдө жаш адамдардын санынын көптүгү. Өлкөнүн калкынын саны 21,5 миллион адамды түзөт. Алардын дээрлик жарымынан көбүн өспүрүмдөр түзөт. Мунун себеби өлкөдө төрөлүүнүн көп болгондугу жана өмүрдүн кыскалыгы. Жашоонун орточо узактыгы 52 жашты түзөт.

Бангладеш экологиясы кир өлкө. Себеби өлкөдө калк өтө жыш жайгашкан. Ошондой эле экологиялык стандарттарга туура келбеген эски технологияларды колдонгон өндүрүштөр арбын. Анын кесепетинен абада өмүргө коркунучтуу заттар көп.

Канада билимдүү өлкө деп эсептелинет. Калктын дээрлик басымдуу бөлүгү орто жана жогорку билимге ээ. Канадалык университеттердин бүтүрүүчүлөрү дүйнөнүн бардык бөлүгүндө жогору бааланат.

Нидерландынын түндүгүндө жайгашкан Гронинген шаары транспорт катары велосипедди кеңири колдонгон шаар катары жогорку көрсөткүчкө ээ. Шаар тургундары окууга, жумушка, керек болсо эс алууга да велосипед менен чыгышат.

“Путин” канадалыктардын сүйүп жеген тез татым тамагы. Алгач бул тез татымды 1957-жылы Фернанд Лаченс аттуу ресторатор ойлоп тапкан. “Путин” француз кулинариясынын термини, ал “баш аламан” же “иретсиздик” дегенди түшүндүрөт. Бул тез татым картошка-фри, сыр жана соустан жасалат. Ар түрдүү рецептери бар.