Алмазбек Атамбаев Кытайдагы Кызыл-Суу кыргыз автономдуу облусунун элдик өкмөтүнүн төрагасын кабыл алды

Алмазбек Атамбаев Кытайдагы Кызыл-Суу-Кыргыз автономдуу облусунун элдик өкмөтүнүн төрагасы Пархат Турдуну кабыл алды

Жолугушуу учурунан

Жолугушууда 2 тараптын маданий-экономикалык кызматташтыгын мындан ары өнүктүрүү маселеси талкууланды

Бүгүн, 17-августта президент Алмазбек Атамбаев Кытайдагы Кызыл-Суу кыргыз автономдуу облусунун элдик өкмөтүнүн төрагасы Пархат Турдуну кабыл алды. Жолугушууда Кыргызстан менен Кызыл-Суу кыргыз автономдуу облусунун маданий-экономикалык кызматташтыгын мындан ары өнүктүрүү маселеси талкууланды. Өлкө башчы эки тараптын мындан аркы достук, тыгыз байланыштагы кызматташуу мамилелери маанилүү экенин билдирди. Өз кезегинде Пархат Турду президентке Кызыл-Суу кыргыз облусунун социалдык-экономикалык абалы жана облустун 60 жылдыгын белгилөөгө болгон даярдыктар тууралуу маалымат берди.