Бишкекте ШКУга мүчө мамлекеттердин мыкты сүрөтчүлөрүнүн эмгектери көргөзмөгө коюлат

Бишкектеги Гапар Айтиев атындагы Көркөм сүрөт музейинде ШКУга мүчө мамлекеттердин мыкты сүрөтчүлөрүнүн эмгектери көргөзмөгө коюлат. Мындай чечим 16-августта маданият, маалымат жана туризм министри Султан Раев менен Кытайдын Кыргызстандагы элчиси Ци Даюйдун жолугушуусунда кабыл алынганын аталган министрликтин басма сөз кызматы билдирди. Бул иш-чара 13-сентябрда Бишкекте өтө турган ШКУнун саммитинин алкагында уюштурулмакчы. Министр бул көргөзмөнү уюштурууга кыргыз өкмөтү жана президент Алмазбек Атамбаев колдоо көрсөтүүгө даяр экенин билдирди.