Супер-Инфо
super.kg видео
ТЕСТ: "Адамзат качан чечет, качан коёт. Канткенде адам уулу адам болот?". Чыңгыз Айтматовдун "Кыяматын" окугансызбы?
Ааламдын акылман сүрөткери, кыргыз элинин залкар жазуучусу Чыңгыз Айтматов курч калеми менен дүйнө элине кыргыз элин таанытып, философиялык, улуттук баалуулуктарды камтыган мыкты чыгармаларды жаратып кетти. Бул баа жеткис эмгектер менен кыргыз эли ар дайым сыймыктанат.
"Кыямат" романында адам дүйнөсү коркунучта тургандыгын жана ал коркунучту адам баласы өз колдору менен жасап алганы айтылат. Айтматовдун "Кыямат" романын окугансызбы? Анда тесттен өтүп, өзүңүздү сынап көрүңүз.
Аталган чыгарманын негизинде тартылган "Акбаранын көз жашы" тасмасы тууралуу да тест бар. Андан өтүү үчүн ушул шилтемени басыңыз.
кошулду
1
2
3
4
5
6
7
8
9
10
11
12
13
14
15
Чыңгыз Айтматовдун "Кыямат" романы канча бөлүмдөн турат?
"Кыямат" романы 3 бөлүмдөн турат.
1
2
3
"Кыямат" романы алгач орус тилинде "Плаха" деген аталыш менен "Новый мир" журналына жарык көргөн. Ал эми кыргыз тилинде "Ала-Тоо" журналына "Кыямат", "Акыр заман" деген аталыштар менен чыккан. Чыгарма үчүнчү кандай аталыш менен чыккан?
Орусча түп нускадагы "Плаха" сөзмө сөз которгондо "адамдардын башын ала турган бийик секи", "өлүм жазасы окулуучу дөбө", "баш алынуучу баталга" деген маанини туюндурат. Сөзмө сөз которгондо "Баталга" деген маанини билдиргендиктен "Баталга" деген аталыш менен дагы жарык көргөн.
"Каар заман"
"Баталга"
"Кыямат кайым"
Бостондун минип жүргөн аты кандай аталган?
Бостондун минип жүргөн аты Дон күлүк аталган.
Дон күлүк
Алгара
Алабаш
"Кыямат" романындагы карышкырлардын Ысык-Көлгө ооп келиш таржымалы, ал жердеги Бостондун жашоосу, бөрүлөрдүн трагедиясы кайсы бөлүмдө сүрөттөлөт?
3-бөлүмдө сүрөттөлөт.
биринчи бөлүмдө
экинчи бөлүмдө
үчүнчү бөлүмдө
Авдий жашоосунда болгон нерселерге нааразы болуп жүргөн чагында ага бул жашоодо үмүт бере алган адам бар экенин сезет жана ага кат жазууну уланта берет. Ал ким болгон?
Авдий бул жашоодо бардык нерсеге нааразы болуп жүргөн чагында, анын жашоосуна үмүт отун жандырган Инга Федоровна аттуу айым болгон.
Сауле Алимбаева
Инга Федоровна
Алия Исмаиловна
Романда грузин элинин боштондугу үчүн күрөшкөн баатырлары жана өзөктөн чыккан өрт, өздөн чыккан жат жаман дегендей эле жакын адамдардын ичинен бири чыккынчы чыгып, бул топту жок кылган адам тууралуу кайсы аңгемеде айтылат?
Чыгарманын ичинде “Жетинин бири” деген кыска аңгеме бар. Ошол аңгемеде грузин элинин боштондугу үчүн күрөшкө Гурам Жохадзе баш болгон бир топ баатырлар чыгат. Алардын арасынан Сандро деген чыккынчы чыгып, Гурам Жохадзе жана башка баатырлардын баарын өлтүрүп, качып кетет.
"Жетинин бири"
"Баатырлар баяны"
"Түбөлүк колукту"
Романдын айрым бөлүктөрүнүн негизинде "Акбаранын көз жашы" аталышындагы тасма жарык көргөн, ал тасмага ким режиссёрлук кылган?
"Акбаранын көз жашы" тасмасына Дооронбек Садырбаев режиссёрлук кылган. Кино 1989-жылы алгачкы жолу экранга чыккан.
Дооронбек Садырбаев
Болот Шамшиев
Төлөмүш Океев
Чыгармада негизги кайсы каармандардын өмүр таржымалы, тагдыры сүрөттөлөт?
Чыгармада негизги каармандар Бостон Үркүнчиев жана Авдий Каллистратовдун тагдыры сүрөттөлөт. Эки каармандын айланасында чыгарма өзөгү өрчүп, өзгөрүп олтурат.
Авдий Каллистратов жана Базаркул Нойгутов
Бостон Үркүнчиев жана Авдий Каллистратов
Базаркул Нойгутов жана Бостон Үркүнчиев
Чыгарма орус тилинде жазылгандыктан, аны кыргыз тилине которуп, кыргыз калкына тартуулоо иштерин өз учурунун мыкты котормочулары колуна алган. Чыгарманын 3-бөлүмүн ким которгон?
Чыгарманын 1-2-бөлүмүн Ашым Жакыпбеков которсо, 3-бөлүмдү таланттуу котормочу Аман Токтогулов которгон.
Ашым Жакыпбеков
Аман Токтогулов
Ташым Байжиев
Чыгармада бөрүлөр Моюнкум чөлүндө жашап жүрүп, адамдар бөкөндөрдү кырган убагында бөлтүрүктөрүнөн ажырап, жер которууга туура келет. Алар кайсы жакка жер которот?
Алар Ысык-Көлгө жер ооштуруп келип, жашап калышат.
Ысык-Көлгө
Таласка
Таразга
Чыгармада Авдий Каллистратов баңги затын ташыган топко кошулуп, алар менен бирге ысык-суукту бирге көрүп, жашоо кечирет. Ал мындай ишке кандай максатта барган?
Ал мындай ишке редакцияга очерк жазуу максатында барат.
пайда көрүү максатында
очерк жазуу максатында
жер көрүү максатында
"Эт төгүүнүн 5 жылдык планы аткарылбай калды" деп облустун иши чатакка айланып бара жатканда облбашкарма бөкөндөрдүн эти менен план толтуруу идеясын ойлоп таба калып, ага 6 адамдан турган топ түзүп, ал жакка жөнөтөт. Ал топ өздөрүн кандай атап алышкан?
Алар өздөрүн “Хунта” тобу деп атап алышкан. Бул топто жалпы 6 адам болот.
"Сафара"
"Хунта"
"Мутант"
Чыгармада айтылган "Атадан алтоо болсоң да – бир ... башыңда, жападан жалгыз болсоң да – бул... башыңда" көп чекиттин ордун толуктаңыз.
“Атадан алтоо болсоң да – бир жалгыздык башында, жападан жалгыз болсоң да – бул жалгыздык башында"
жалгыздык
карылык
өлүм
Чыгармада карышкыр болсо дагы бөлтүрүгүнөн, дөбөтүнөн айрылып, күйүтүнө чыдабай, адамдардан өч алып тынган карышкырды эл кандай атап коюшкан?
Эл дал ушул бөрүнү Акбара деп атап коюшкан.
Көкжал
Акбара
Көкбөрү
Чыгармада өздөрүн "Хунта" тобу деп атап алган адамдар талаада Авдийди кандай абалда таштап кетишет?
Алар өздөрүн “Хунта” тобу деп атап алган адамдар Авдийди талаадагы тартайган сөксөөлгө керип, байлап коюшат. Алардын мындай абалга ичимдикти ичип алганы жана Авдийдин туура жолго чакырганы түрткү болот.
өзүлөрү менен кошо ала кетишет
тартайган сөксөөлгө керип, байлап коюшат
өлтүрүп кетишет
"Гүлсарат", "Ак кеме"... Айтматовдун чыгармаларын унута элексизби?
Сиздин упайыңыз
3
"Эзелтен чечилбеген улуу талаш,
Канткенде адам уулу адам болот?
Ураалап жоо кууса да ушул талаш,
Канткенде адам уулу адам болот?
Ажалга көз жумса да ушул талаш,
Канткенде адам уулу адам болот?"
Темада туура эле жазылган, уулу деп, адам баласы жөнүндө болуп жатат... Аталыш Айтматовдун калемине таандык ыр саптарынан алынган жана чыгарманын маанисине шайкеш болгону үчүн коюлган...
«Эзелтен чечилбеген улуу талаш,
Канткенде адам уулу адам болот?
Ураалап жоо кууса да ушул талаш,
Канткенде адам уулу адам болот?
Ажалга көз жумса да ушул талаш,
Канткенде адам уулу адам болот?