"Factcheck" сайтынын редакторунун ур-токмокко алынышы боюнча окуяны ИИМ өз көзөмөлүнө алды

"Factcheck.kg" интернет сайтынын башкы редактору Болот Темировду ур-токмокко алып, уюлдук телефонун тартып алды делинген окуяны ИИМ жетекчилиги өз көзөмөлүнө алды. Бул тууралуу аталган министрликтин маалымат кызматынан кабарлашты.

"Бишкектеги Эркиндик жана Токтогул көчөлөрүнүн кесилишинде "Factcheck.kg" сайтынын редактору Болот Темировду сабап кеткен. Бул кылмыш окуясынын бетин ачып, күнөөлүүлөрдү аныктап, жоопкерчиликке тартуу боюнча учурда Бишкек шаардык ички иштер органдарынын кызматкерлери тарабынан ыкчам иликтөө, издөө иш-чаралары жүргүзүлүүдө. Болот Темировго карата жасалган кылмыштын бетин ачуу боюнча жүргүзүлүп жаткан сотко чейинки өндүрүш иштери ИИМдин жетекчилигинин көзөмөлүндө. Тиешелүү кызматтарга кылмыштын бетин ачуу багытындагы тапшырмалар берилгендигин баса белгилейбиз", - деди басма сөз кызматынан.