Жалал-Абад. Облуста 6 айда 8427,2 миң сомдук айыл чарба продукциялары өндүрүлгөн

Жалал-Абад облусунда 6 айдын аралыгында 8427,2 миң сомдук продукция өндүрүлүп, өсүү темпи 104 пайызды камтыган. Мындай маалыматты өкмөттүн облустагы өкүлчүлүгүнүн басма сөз кызматы билдирди. Маалыматка ылайык, мал чарбасы тарабынан 24 232 тонна эт өндүрүлүп, өткөн жылга салыштырмалуу 468 тоннага көп болгон. Ал эми сүт саап алуу 121 885 тонна болуп, былтыркы жылдан 3279 тоннага ашыкча алынган. Ошондой эле жумуртка өндүрүү 28 703 миң даананы түзүп, өткөн жылдан 1724 миң даана жумурткага ашыкча жыйналган.