"Манас" аэропортуна бара жаткан жолдо айдоочу рулга ээ боло албай кырсыкка кабылды. Ал ооруканада каза болду

Бүгүн, 28-январда адам өмүрүн алган автокырсык орун алды. Бишкек шаардык жол кыймылынын коопсуздугун камсыздоо боюнча башкармалыктын маалыматына ылайык, кырсык кечки саат 20:00 чамасында орун алды.

"Аэропортко бара жаткан жолдун 38-чакырымында Хендай Элантра үлгүсүндөгү унаанын айдоочусу рулга ээ боло албай даракты сүзгөн. Айдоочу оор жаракат алып, ооруканага жеткирилген. Жабырлануучу ооруканада каза болду", - деп билдирет мекеменин басма сөз катчысы.