Жалал-Абад облусунда 10 жашар кыз зордукталды. Шектүүнүн фотороботу түзүлдү

Жалал-Абад облусунда 10 жашар кыз зордукталды. Бул тууралуу облустук милициядан билдиришти.

Маалыматка ылайык, 28-январь күнү Ноокен РИИБинин нөөмөт бөлүмүнө Н.Ы. аттуу аял кайрылган. Арызда ошол күнү саат 17:00 чамасында белгисиз 20-25 чамасындагы жаран анын кызын коркутуп, күч колдонуп, зордуктап койгонун билдирген. Бул факты Кылмыштардын жана жоруктардын бирдиктүү реестрине "зордуктоо" беренеси менен катталып, тийиштүү экспертизалар дайындалган.

"Учурда кылмышка шектүүнүн аты-жөнүн, жүргөн жерин аныктоо жана кылмыштын бетин ачып шектүүнү кармоо максатында тергөө тапшырмалары берилип, багыттамалар жиберилип, тергөө-ыкчам иш аракеттери жүргүзүлүүдө. Эгерде сүрөттөгү шектүү туурасында маалымат билгендер болсо, Ноокен РИИБине төмөндөгү номерлер менен кабарлап коюну милиция кызматкерлери суранат. Анонимдүүлүккө кепилдик берилет", - деп билдиришти басма сөз кызматынан.

Байланыш телефону: 03734 102 0555 00 31 00.