"Семиз" деп айтканы үчүн кесиптешин өлтүрүп, өрттөп салган

Индонезия тургуну шылдыңдаганы үчүн кесиптешин муунтуп өлтүрүп, өрттөп салган. Бул тууралуу чет элдик басылмалар жазып чыгышты.

27 жаштагы Али Хери Санджайя жана 18 жаштагы Росида бала кезден кошуна жашап, ресторанда чогуу иштешкен. Росида Санджайянын ашыкча салмагын баса белгилеп, дайым элдин көзүнчө семиз деп шылдың кылып келген. Ошонун айынан Санджайя өзүн жаман сезип, толуктугун кемчилик катары көрүп калган. 24-январь күнү Санджайя Росиданын мотоциклин айдап, үйүнө жеткирип коюуну сунуштап, кокос өсүүчү талаага барганда аны муунтуп өлтүрүп, алдын ала даярдап койгон бензин менен өрттөп салган.

Кесиптешин өлтүргөн соң кыздын мотоцикли менен уюлдук телефонун алып, 5 миллион 200 миң индонезия рупийине (25 миң сомдун тегереги) сатып жиберген. Ал акчаны карыздарына берген. Росида үйүнө келбегенинен үй-бүлөсү полиция кызматына кызынын жоголгондугу тууралуу кабарлашат. Укук коргоо кызматкерлери кылмышка шектүүнү мейманканада жашынып жүргөн жеринен кармап, камакка алышкан. Эми Санджайяны өлүм жазасы же 20 жылдан ашуун мөөнөт же өмүр бою эркинен ажыратуу чечими күтүүдө.