ТИМ башчысы Кытайдын Кыргыз өлкөсүндөгү элчисин кабыл алды

Тышкы иштер министри Чыңгыз Айдарбеков Кытай Эл Республикасынын Кыргыз Республикасындагы элчиси Ду Дэвэньди кабыл алды. Бул тууралуу министрликтин басма сөз кызматынан билдиришти.

"Кытайдагы коронавирус инфекциясынын пайда болушуна байланыштуу Чыңгыз Айдарбеков кытай элин чын дилинен колдоорун билдирди. Ошондой эле кытай тараптын колдонуп жаткан чараларын толугу менен колдоого алды, жаӊы типтеги коронавирус тарабынан козголгон пневмония эпидемиясы менен күрөшүүгө багытталган Кытай Өкмөтүнүн аракетин жогору баалады. Аны менен бирге Кытайда убактылуу же туруктуу жашаган Кыргыз жарандарына маселелерди чечүүдө көмөк көрсөткөндүгү үчүн ыраазычылык билдирди. Жолугушуунун жүрүшүндө андан сырткары 2019-жылдын июнунда Кыргыз өлкөсүнө Кытайдын төрагасы Си Цзиньпиндин мамлекеттик сапарынын алкагында эки өлкөнүн лидерлери тарабынан жетишилген конкреттүү келишимдерди ишке ашырууга байланышкан эки тараптуу кызматташуунун айрым маселелери дагы талкууланды", - деп жазылат маалыматта.