Өзгөндө унаа менен кошо күйгөн 7 киши. 10 бала атасыз калды

Өзгөндө унаа менен кошо күйүп кеткен маркумдардын бири бир апта мурун үйлөнгөн. Бул тууралуу Өзгөн районуна караштуу Ак-Жар айыл аймагынын айыл өкмөт башчысы Каримжан Турдумаматов SUPER.KG порталына билдирди.

"Маркумдар Мырза-Аке айылынан улак тартыштан келе жатып, кырсыкка кабылышкан. Алардын баары Большевик айылынын тургундары", - деди айыл өкмөт башчы.

Каза болгондор:

1975-жылы туулган К.Н. 4 баласы калды.

1979-жылы туулган П.Б. Үч баласы калды.

1990-жылы туулган А.Б. Бир уулу калды.

1992-жылы туулган М.у.Б. Бир кызы калды.

1993-жылы туулган Т.Т. Бир уулу калды.

1993-жылы туулган Ш.у.М. Үйлөнгөнүнө 6 ай болгон.

1994-жылы туулган Т.Ы. Үйлөнгөнүнө бир апта болгон.

3-февралда Өзгөндө айдоочу рулга ээ боло албай электр мамысын сүзүп, өрт чыккан. Кырсыктын кесепетинен 7 адам каза болгонун ӨКМнын басма сөз катчысы билдирген болчу. Кечээ, 4-февралда маркумдардын сөөгү бир жерден жерге берилген.