Индиядагы 7 жашар кыздын денеси "ташка" айланууда

Индиянын Чхаттисгарх штатында чанда кездешүүчү ооруга чалдыккан 7 жашар кыз "ташка" айланууда. Бул тууралуу чет элдик басылмалар жазып чыгышты.

Индиянын 7 жаштагы тургуну Раджешвари чанда кездешүүчү жана айыкпас тери оорусуна (эпидермолитикалык ихтиоз) кабылган. Колу, буту жана арт жагынын көп бөлүгү балыктын кабырчыгын элестеткен катуу бүртүкчөлөр менен капталган. Баскан сайын катуу бүртүкчөлөр ооруткандыктан кыз араң басып, турат. Ихтиоздун жашоого коркунучу жок болгону менен оорусуна өмүр бою чыдап жашашы керек болот. Раджешвари жашаган айылда жакшы оорукана жок болгондуктан, атайын алыскы шаарга барып көрүнүп келери айтылат.