Ош. Борбордук көпүрөнүн курулушу сентябрда башталат

Ош шаарына салынчу борбордук көпүрөнүн курулушу сентябрда башталат. Учурда курулуш компаниялары менен келишимдер түзүлүүдө. “2013-жылга бул курулуш ишине республикалык бюджеттен 100 миллион сом бөлүнгөн, долбоордун жалпы бюджети 539 миллион сомду түзөт”,- дейт шаардык жол башкармалыгынын өкүлү Улукбек Жаныбеков. Айта кетсек, көпүрө борбордук базардын жанына курулат. Көпүрө Навои көчөсү аркылуу Ак-Буура дарыясын кесип өтүп (сүрөттө) А.Масалиев - Ленин көчөлөрүн байланыштырат.