Лифтте бычак такап, коркутушкан. Чет өлкөлүк жарандарды тоноого шектелгендер кармалды

Чет өлкөлүк жарандарды тоноо максатында кол салууга шектелген жарандар кармалды. Бул тууралуу Бишкек ШИИББинин басма сөз кызматынан билдиришти.

"26-январь күнү Бишкек ШИИББине "Чыгыш-5" кичи районунда тоноочулук болгону тууралуу маалымат келип түшкөн. Свердлов РИИБинин кызматкерлери аталган жерге барышканда, саат 16:20 чамасында белгисиз адамдар "Чыгыш-5" кичи районундагы көп кабаттуу үйлөрдүн биринде лифтте 3 Пакистандын жарандарына бычак такап, 2500 сом жана Самсунг, Айфон уюлдук телефондорун карактап алышкан. Аталган факты Кылмыштардын жана жоруктардын бирдиктүү реестрине 202-берене (тоноо) боюнча катталып, сотко чейинки өндүрүшкө алынган. Ыкчам-иликтөө иштеринин жыйынтыгында 1998-жылы туулган И.Т. жана 1987-жылы туулган К.С. тоноого шектелип кармалып, убактылуу кармоочу жайга киргизилген. Свердлов райондук соту тарабынан шектүүлөрдүн баш коргоо чарасы каралып, СИЗО-1ге эки айга киргизилген", - деп жазылат маалыматта.