Бишкектин көчөлөрүндөгү талапка жооп бербеген 24 даана көрнөк-жарнак алынды

Бишкек шаарында  эскирген жана мыйзамсыз орнотулган 24 даана көрнөк-жарнак бирдиги алынып салынды. Мэриянын басма сөз кызматы билдиргендей, рейд 20-августта болду. Иш-чара Биринчи Май райондук администрациясы тарабынан батыш автобекетинин айланасында жүргүзүлдү. Рейддер Бишкек шаарынын мэриясынын “Бишкек шаарынын көркөм-эстетикалык көрүнүшү боюнча чараларды жакшыртуу жөнүндө” токтомунун негизинде жүргүзүлөт.