Футбол боюнча Кыргыз өлкөсүндөгү Премьер-Лиганын жаңы сезонунда 9 команда ойнойт

Бүгүн, 28-февралда Кыргыз футбол союзунун Аткаруучу комитетинин кезексиз өткөрүлгөн жыйынында Премьер-Лиганын жаңы сезонунда катыша турган командалар бекитилди. Бул тууралуу Кыргыз футбол союзунан билдиришти.

Премьер-Лиганын жаңы сезонуна катыша турган 9 команда:

1. "Алга" (Бишкек);

2. "Алай" (Ош);

3. "Дордой" (Бишкек);

4. "Абдыш-Ата" (Кант);

5. "Кара-Балта" (Кара-Балта);

6. "Нефтчи" (Кочкор-Ата);

7. "Илбирс" (Бишкек);

8. "Каганат" (Ош);

9. "Лидер" (Ысык-Көл).

Ошондой эле жыйында чемпиондуктун регламенти бекитилип, эки этапта өтө турган болду. Биринчи этапта 9 команда алгачкы үч айлампада бири-бири менен ойношот. Экинчи этапта чемпиондукта алдыңкы 4 команда финалдык баскычка чыгып, эки айлампада бири-бири менен ойнойт.