Супер-Инфо
super.kg видео
ЭЛДИК КАБАР: ID-карта менен Кыргыз өлкөсүнө кирүүгө коюлган чек мигранттарды түйшөлттү. "Жалпы жарандык паспорту жоктор Кыргыз өлкөсүнө кирбей калабызбы?" дейт окурман
1-марттан тарта Кыргыз мамлекеттик чек арасынан ID-карта менен өтүүгө убактылуу тыюу салынат деген маалымат тарагандан тарта "Элдик кабар" бөлүмүнө көп окурмандар арыз-арманын айтып кайрылууда.
"Мен Москва шаарында эмгектенем. Мен жалпы жарандык паспорт алган эмесмин, ID-карта менен эле жүрөм. Кыргыз өлкөсүнө учам деп апрелге билет алып койгон элем. 1-марттан тарта ID-карта менен өлкөгө кирүүгө болбойт деп жатышат. Мага окшогон жалпы жарандык паспорту жок ID-карта менен жүргөндөр Кыргыз өлкөсүнө кире албай калышабы? Бул маселе боюнча кайда кайрылса болот? Эми эмне кылабыз?", - дейт окурман.
Ал эми дагы бир окурман алдын ала алган билетибиз күйүп кетеби деп нааразы болууда. "1-марттан баштап ID-карта менен өлкөгө кирүүгө тыюу салыныптыр. Менин карындашым 3 жылдан бери Москва шаарында иштеп келет. 20-мартка балдарын көргөнү мекенибизге билет алып койгон эле. Ошондо карындашымды өлкөгө киргизишпейби? Жок жерден билеттин акчасы күйүп кетеби?", - дейт окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
1 |