Министр: "Япониядан келген жаран жакшы шартта карантинде жатат"

Япониядан келген Кыргыз жаранынын учурда абалы туруктуу жана ден соолугу жакшы. Бул тууралуу саламаттыкты сактоо министри Космосбек Чолпонбаев жыйын учурунда билдирди.

"Япониядан келген жарандын учурда абалы туруктуу жана ден соолугу жакшы. Анын бүт анализин карадык. Ал жаран Японияда кемеде 26-ноябрдан 15-февралга чейин болгон. 15-февралдан 28-февралга чейин аскер госпиталында Токио шаарында болгон. Андан чыгып, 28-февралдан 6-мартка чейин Токиодо кадимкидей эле айыгып, басып жүргөн.

Ал жактан биздин жаран 30га жакын анализ тапшырган. Ал 30 анализинин ичинен бир анализинен вирус чыгып калган. Биз жаран менен сүйлөшсөк, ал эч кандай дары-дармек ичпей эле жалпы процедураларды алып келгенин айтып берди. Жаранды биз дагы текшердик. Ал учурда бизде жакшы шартта жатат. Анын карантиндик мөөнөтү бүткөндөн кийин текшерүүгө алынып, үйүнө коё берилет", - деп билдирди Чолпонбаев.