"Ведомости" басылмасы өз аталышын убактылуу "Вседомой" ("Баарыӊар үйгө") деп өзгөрттү

Белгилүү "Ведомости" басылмасынын 20-марттагы саны "Вседомой" ("Баарыӊар үйгө") деген аталышта жарыкка чыгат.

Басылма ушундай жол менен коронавирус пандемиясына окурмандардын жана коомчулуктун көӊүлүн бурууну көздөйт. Редакция вирустун жайылышын токтотуунун эӊ эффективдүү жолу адамдар арасындагы карым-катышты азайтуу экенин баса белгиледи. "Жалпак тил менен айтканда, үйдөн чыкпоо. Биз редакцияда так ушундай кылдык, сиздерди да биздин үлгүнү улантууга чакырабыз", - дейт басылманын редакциясы.