Коменданттык сааттын биринчи күнүндө өлкө боюнча талапты бузган 320 адам кармалды

Өзгөчө абал киргизилген жалпы республика боюнча коменданттык сааттын биринчи күнүндө эскертүүлөргө карабай эреже бузгандыктары үчүн ички иштер органдарынын бөлүмдөрүнө 320 жаран жеткирилди. Ошондой эле 9 унаа айып короосуна токтотулду. Бул тууралуу ИИМдин басма сөз кызматынан билдиришти.

Алардын ичинен:

Бишкек шаары боюнча - 193;

Ош шаары боюнча - 2;

Жалал-Абад шаары - 10;

Сузак району боюнча - 26;

Ноокат району боюнча - 11;

Кара-Суу районунда - 55 жаран кармалды.

"Кармалган жарандарга коменданттык сааттын талаптары жана эреже бузгандыктары боюнча түшүндүрүү иштери жүргүзүлүп, экинчи кайталанбоосу эскертилип, коё берилди. Өзгөчө абал жөнүндө конституциялык мыйзамынын 28-беренесине ылайык, тартипти бузууга жол берген адамдар милиция тарабынан кармалса, коменданттык саат аяктаганча кармалат. Ал эми жанында документтери жоктор ким экени аныкталганча, үч суткадан ашпаган мөөнөткө кармалат", - дешти басма сөз кызматынан.