Саламаттыкты сактоо министрлигинин өкүлү маалымат жыйын берди. Дагы 14 адам коронавирус жуктурду (видео, хронология)

Саламаттыкты сактоо министрлигинин коомдук саламаттыкты сактоо башкармалыгынын жетекчиси Айнура Акматова чет өлкөлөрдө 5 Кыргыз жаранынан коронавирус аныкталды. Бириккен Араб Эмирликтеринде – 1, Пакистанда – 3 жаран жана Испанияда - 1. Алар жеринде дарыланып жатат.

Саламаттыкты сактоо министрлигинин коомдук саламаттыкты сактоо башкармалыгынын жетекчиси коронавирус жуктурган 14 адам обочолонгон адамдардын арасында болгонун айтты. "Алар атайын медицина кызматкерлеринин кароосунда болчу. Ошонун негизинде лабораториялык изилдөөлөр алынган", - дейт ал.

Айнура Акматова түнкү убакта иштеп жаткан медицина кызматкерлери график боюнча иштеше турганын билдирди. "Алар жумуш ордуларын таштап кетүүгө болбойт. Вирустун жайылуу коркунучун алдын алуу үчүн алар жеке коргонуу каражаттары, транспорт жана керектүү зарыл каражаттар менен камсыздалышкан", - дейт Акматова.

Саламаттыкты сактоо министрлигинин коомдук саламаттыкты сактоо башкармалыгынын жетекчиси шаардын бардык райондорунда дезинфекциялоо иши жүрө турганын билдирди. 

Айнура Акматова Кыргыз жараны Орусиядан коронавирус жуктуруп алса, ал жактан дарылана турганын айтты.

"Саламаттыкты сактоо министрлиги буйрук чыгарды. Улуттук госпиталь 8 микроавтобус алып, кызматкерлерин жеткирип жатат. Бишкек шаарынын мэриясы дагы кечээ күндөн баштап шаарда иштеген кызматкерлерди жумушка жеткирүү иштерин баштады", - деди Айнура Акматова.

65 жаштан жогору, кош бойлуу аялдар жана кичинекей балдары бар медицина кызматкерлери коронавирусун жуктуруу тобокелчилигин алдын алуу максатында акы төлөнүүчү эмгек өргүүсүнө чыгарылды.

Кыргыз өлкөсүндө 14 адамдан коронавирус аныкталды. Алар Жалал-Абаддын 7 жана Оштун 7 тургуну. Коронавирус жуктургандардын жалпы саны 58 болду.