Орусиянын аэропортторунда, Казакстандын чек арасында канча Кыргыз жарандары калды? Элчиликтин жообу

17-марттан 24-мартка чейин Кыргыз өлкөсүнүн Орусиядагы элчилиги тарабынан 30 аба каттамы ишке ашырылды. Бул каттамдар мурда убактылуу токтотулган деп билдирет Кыргыз өлкөсүнүн Орусиядагы элчилигинен.

"Москва-Бишкек, Москва-Ош каттамы боюнча 30 учак учуп, 3 миң 500 адам өлкөгө кайткан. 17-19-мартта Сургут, Красноярск, Санкт-Петербургдан бирден, ал эми Новосибирсктен 6 аба каттамы ишке ашырылып, 1 миң 383 жаран өлкөгө кайткан. 20-марттан 23-мартка чейин Москва, Санкт-Петербург, Екатеринбург жана Сургуттан аба каттамдары дайындалып, 1 миң 617 жүргүнчү учкан. Муну менен жалпысынан 5 миң 117 жаран Кыргыз өлкөсүнө кайткан.

27-марттагы маалымат боюнча, "Шереметьево" аэропортунда 40 Кыргыз жараны мындан тышкары транзиттик зонада 14 Кыргыз жараны калган. Ал эми Новосибирсктеги аэропортто 200гө жакын Кыргыз жараны аба каттамдарын күтүп калышты.

Орус-Казак чек арасында 90дон ашуун кыргыздар бар. Элчиликтин алдында түзүлгөн штабдын кызматкерлери жарандар топтолгон жерлерге барышып, тиешелүү жардамдарды көрсөтүп жатышат", - деп билдирет элчиликтин маалымат катчысы.

Буга чейин Кыргыз өлкөсүнүн Москвадагы диаспорасынан өлкөгө кайта албай калган кыргыздар Орусия аба каттамдарына расмий түрдө учууга уруксат бергенде гана кыргыз жергесине кайта алышарын билдирген.