Өлкө боюнча коменданттык саатта 223 жаран кармалды

28-мартка карата коменданттык сааттын ичиндеги тартип бузуулар тууралуу ИИМдин басма сөз кызматынан маалымат таратышты.

28-мартка карата республиканын аймагындагы өзгөчө абал киргизилген Бишкек, Ош, Жалал-Абад шаарлары, Ноокат, Кара-Суу, Сузак райондорунун аймактарында коменданттык саатта ички иштер органдарынын бөлүмдөрүнө 223 жаран жеткирилди. Ошондой эле 11 автоунаа айып короосуна токтотулду.

Алардын ичинен:

Бишкек шаары боюнча - 157;

Ош шаары боюнча - 21;

Жалал-Абад шаары - 20;

Сузак району боюнча - 6;

Кара-Суу районунда - 15;

Ноокат району боюнча - 4 адам кармалды.

Алардын бардыгына коменданттык сааттын талаптары менен эрежелерин бузгандыктары боюнча түшүндүрүү иштери жүргүзүлүп, экинчи кайталанбоосу эскертилип, коменданттык сааттын аякташы менен коё берилди.

Жалпысынан алганда үч күндүн ичинде өлкө аймагында 784 жаран коменданттык саатта кармалды.