Эртең Жогорку Кеңештин эки комитетинин жыйыны өтөт

Эртең, 14-апрелде Жогорку Кеңештин эки комитетинин жыйыны бирге өтөт. Бул тууралуу парламенттин басма сөз кызматынан билдиришти.

Маалыматка ылайык, жыйын саат 10:00дө башталат. Укук тартиби, кылмыштуулук менен күрөшүү жана коррупцияга каршы аракеттенүү боюнча комитетинин, Эл аралык иштер, коргоо жана коопсуздук боюнча комитетинин жыйыны биргеликте өтөт.

Анда азык-түлүк коопсуздугу, өзгөчө абал учурунда иш алып барган медицина жана укук коргоо органдарынын кызматкерлерине компенсация төлөө боюнча маселе талкууланат. Баяндама жасоо үчүн биринчи вице-премьер-министр Кубатбек Боронов чакырылган.