Кыргызстанда “Жибек Жолунун жылдыздары” аттуу фестиваль болот

3-14-сентябрь күндөрү Кыргызстанда “Жибек Жолунун жылдыздары” аттуу фестиваль болот. Германия менен Кыргызстан биргелешип уюштуруп жаткан искусство фестивалы 2 өлкөнүн жаштарын бириктирүү жана кызматташтыктын жаңы жолдорун ачуу максатында өткөрүлөт. Анда Ысык-Көл облусунун Кажы-Сай айылында музыканттар жана сүрөтчүлөр каалоочулар үчүн мастер-класс өтүшүп, чакан концерт уюштурулат. 9-сентябрда Т.Сатылганов атындагы Улуттук филармонияда президенттик "Манас" камералык оркестринин катышуусунда иш-чаранын расмий түрдө ачылышы болот. Ошондой эле Бишкекте сүрөт көргөзмөлөрү болуп, бир катар концерттер уюштурулат.