Орусияда ишкерди уурдап кетип, акча талап кылган 2 кыргыз кармалды

Орусияда ишкерди уурдап кетип, акча талап кылган 2 кыргыз кармалганын Орусиянын ММКлары жарыялашты. Окуя Балашиха шаарында болгон. 43 жаштагы Москва облусунун тургунун белгисиз бирөөлөр уурдап кетишип, 3 миллион рубль талап кылышкан. Кийинчерээк алар аталган сумманы 1,5 миллионго чейин түшүрүшкөн. Бул факт боюнча кылмыш иши козголуп, кылмышкерлерди кармоо боюнча атайын аракеттер жүргүзүлүп, 25 жана 34 жаштагы 2 кыргызстандык жаран кармалган. Бул жарандар эч жерде иштебегендиги белгилүү болгон, учурда алар убактылуу кармоочу жайга камалган. Ал эми уурдалган ишкер ден соолугунун начарлап кеткенине байланыштуу ооруканага жаткырылган.