Ташполот Балтабаев, депутат: “Баткенде абал кооптуу, эл тынч уктай албай калыптыр”

“Баткен облусунда абал курч, эл тынч уктай албай калыптыр”,- деди бүгүн, 5-сентябрдагы парламент жыйынында депутат Ташполот Балтабаев. Айтымында, Баткен аймагындагы чек арада атып кетүүлөр, уруштар тынбай эле чыгып жатат. “Аймакта чек арачылар жетишпейт. Тажикстанда болсо абал курч, президенттик шайлоо өтөт. Биз баткендиктердин коопсуздугун камсыз кылышыбыз керек. “Жок дегенде 6 ай коопсуздугубузду карап бергиле" деп жашоочулар суранып жатышат”,- деди депутат.