Депутат коронавирус боюнча иштер эффективдүү болбой жатканын айтты

Депутат Марлен Маматалиев коронавирус боюнча иштер эффективдүү болбой жатканын айтты. Бул тууралуу ал бүгүн, 28-майда Жогорку Кеңештин жыйынында билдирди.

"Кабыл алынып жаткан иш-чаралар эффективдүү болбой жатат. Коомдук транспорттордун ишке киришинин аягы эмне менен бүттү. Ушул боюнча иш-чараларды толугу менен карап чыксаңыздар.

Башка мамлекеттер сырттан жарандарды алып келердин алдында экспресс-тесттерди ошол жакка жиберип, текшерип анан алып келишет экен. Ооругандарды өзүнчө, оору жукпагандарды өзүнчө алып келишет. Анткени алар келгенче бири-бирине жугузуп келишет да. Бул тажрыйбаны бардык өлкөлөр колдонуп жатышыптыр", - деди Маматалиев.