Ошто унаанын айдоочусу рулга ээ боло албай калып бакты сүзүп, бир адам каза болду

Ош облусунда унаанын айдоочусу рулга ээ боло албай калып бакты сүзүп, бир адам каза болду. Бул тууралуу ӨКМнын басма сөз кызматынан билдиришти.

Маалыматка ылайык, 28-майда саат 17:50дө Ноокат районунун Мирмахмудов айыл аймагында Ноокат-Папан унаа жолунун 1-чакырымында Hyundai Porter үлгүсүндөгү унаанын айдоочусу рулга ээ боло албай жолдон чыгып кетип, бакты сүзгөн.

Кырсыктын кесепетинен 1957-жылы туулган эркек киши каза болгон.

Жерине ӨКМнын №71 өрткө каршы куткаруу бөлүмүнүн куткаруучулары маркумдун жансыз денесин унаадан чыгарышып, "Тез жардам" кызматкерлерине өткөрүп беришкен.