Өлкөдө дагы 28 адамдан коронавирус аныкталды, көбү Бишкек шаарында

Өлкөдө дагы 28 адамдан коронавирус инфекциясы аныкталганын бүгүн, 4-июнда саламаттыкты сактоо министрлигинин орун басары Нурболот Үсөнбаев билдирди.

Айтымында, сутка ичинде оору аныкталгандардын ичинен:

Бишкек шаары – 15;
Нарын облусу – 1;
Ош шаары – 4;
Ош облусу – 6;
Чүй облусу – 1;
Ысык-Көл облусу – 1.

Муну менен коронавирус өлкөгө келгенден бери аны 1 899 адам жуктуруп алды. Анын ичинен 1 292 адам оорудан айыгып, ооруканадан чыгарылган.