Баткенде бир үй-бүлөдөгү 5 адамды атып кеткендердин бири кармалды

5-сентябрь күнү Баткендин Кара-Булак айылында бир үй-бүлөдөгү 5 адамды атып кеткен деп шектелген бир адам кармалды. Муну бүгүн, 7-сентябрда аймактык кабарчыбыз Бегайым Тажибай кызы Баткен РИИБине шилтеме берүү аркылуу билдирди. Кылмышка шектелгендер каза болгондордун жакын туугандары экен. Алар 2 адам болгон, 20-22 жаштагы балдар. Кармалган адам бул кылмышка мурдагы мамилелерден улам өч алуу үчүн барганын айтып берди. Учурда кылмышка күнөөлүү экинчи адам изделүүдө.