Чүйдө айдоочуну тапанча менен коркутуп, талга байлап, унаасын айдап качып кеткен топтун мүчөлөрү кармалды

Чүй облусунун Токмок шаарынан каракчылык кылган кылмыштуу топтун мүчөлөрү колго түшүрүлдү. Алар такси кызматын атайын чакырып, жолдон айдоочуну тапанча менен коркутуп, унаасын айдап кетишкен. Маалыматты ИИМдин басма сөз өкүлү билдирди.

"Окуя 30-майда түнкү саат 01:00 чамасында орун алган. Анда шектүүлөр Бишкек шаарында жүрүп, такси чакырып, айдоочуга Аламүдүн районундагы Башкара-Суу айылына чейин жеткирип коюусун айтышкан. Аталган айылга жеткенде жүргүнчүлөр айдоочуну тапанча менен коркутуп, сабап, акчасын жана уюлдук телефонун тартып алышкан. Андан кийин жүргүнчүлөр айдоочуну талга байлап, Тойота Авенсис унаасын айдап качып кетишкен.

Эртеси күнү жөө адам талга байланып турган айдоочуну көрүп бошоткон. Жабырлануучу Аламүдүн РИИБине арыз менен кайрылып, бул факты Кылмыштардын жана жоруктардын бирдиктүү реестрине 202-берене (каракчылык) менен катталып, сотко чейинки өндүрүш иши ачылган.

Ыкчам тергөө иштеринин жүрүшүндө уурдалган унаа Токмок шаарындагы гараждардын биринен табылган. Анда шектүүлөр унаанын тетиктерин чыгарып сатууга аракет кылышкан. Дөңгөлөктөрдү сатууга дагы үлгүрүшкөн.

Милиция кызматкерлери тарабынан шектүү делинген 6 жаран кармалып, алар кылмыш иштерин чогуу жасап жүргөндүгү белгилүү болду", - деп айтылат маалыматта.

Кармалгандар:

1996-жылы туулган А. уулу Д., Жалал-Абад облусунун тургуну;

1998-жылы туулган С.Ч., Чүй облусунун тургуну;

1998-жылы туулган Б.А., Чүй облусунун тургуну;

1999-жылы туулган Т.Б., Токмок шаарынын тургуну;

2000-жылы туулган Д.М., Чүй облусунун тургуну;

2000-жылы туулган А.А., Чүй облусунун тургуну, буга чейин каракчылык менен соттолгон;

Кармалгандар убактылуу кармоочу жайга киргизилип, тергөө иштери жүргүзүлүп жатат.

12:38 16-06-2020

Автор: Бактыгүл Момбекова

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.

Рубрикадагы соңку кабарлар

18:01 2025-07-14

Орусияда спирт ичимдигин ичкен жаран үч досун бычактап салды

17:03 2025-07-14 Видео

Сокулукта 200 гектар жер боюнча коррупциялык схема аныкталды (видео)

16:9 2025-07-14

Нарын облусунда жер титиреди

15:00 2025-07-14

Ысык-Көлдө наркы 44 миллион сомдон ашык жер тилкелери мамлекетке алынды

13:13 2025-07-14

Чет элдиктерге мыйзамсыз дипломдорду беришкен делип окутуучулар кармалышты

11:57 2025-07-14 Видео

Сокулукта автобустун айдоочусун жүргүнчүлөр сабап салышты (видео)

10:23 2025-07-14 Видео

Эс алуучулар, куткаруучулар, күзөтчүлөр... Ысык-Көлдө массалык мушташ орун алды (видео)

9:44 2025-07-14

Бир күндө өлкөдө 30дан ашык өрт кырсыгы болду

9:41 2025-07-14 Видео

Бишкекте мушташкандар камакка алынышты (видео)

14:43 2025-07-13 Видео

Ошто Увам каналына агып кеткен жигитти издөө иши уланууда (видео)

12:58 2025-07-13 Видео

Бишкекте социалдык тармак аркылуу казак аялдарына асылган жаран кармалды (видео)

9:38 2025-07-13 Видео

Бишкекте аскер комиссариаттын тосмосун сүзгөн айдоочу милиция кызматкери экендиги айтылууда

Рейтинг:

-1

Комментарийлер(2)

Kultegin

16.06.2020. 12:48

Тайпасы:

Комментарийлердин саны:

Катталган:

01-01-1970

Соӊку аракети:

01-01-1970 00:00

Жынысы:

Белгисиз

Не болду Эми, шумшуйуп. Эле калыпсынарго. Коркутуп тоноп атканда Тим эле Аманда тушуруп ийчуудой акшындап озунорду баатыр сезген болушунар керек.жапжаш экенсинер тогда.тепсе темирди узчудой кучунор бар. АК эмгек мандай тер менен эле тричилик кылса болбойбу

AdylbekB84

16.06.2020. 13:44