Сокулукта 19 жаштагы кыз төрөп, ымыркайды дааратканага таштап кеткен

Сокулук райондук соту 19 жаштагы кызды 133-берененин (эненин жаңы төрөлгөн баласын өлтүрүшү) негизинде күнөөлүү деп тапты. Ал 2 жыл 6 айга эркинен ажыратылган жана Улуу Ата Мекендик согуштагы Жеңиштин 75 жылдыгына жана Апрель революциясынын 10 жылдыгына байланыштуу мунапыстын негизинде жазык жазасынан бошотулду. Бул тууралуу Чүй облустук сотунан билдиришти.

Маалыматка ылайык, окуя Сокулук районунун Новопавловка айылында 2019-жылдын 20-октябрында болгон. Тергөөнүн версиясы боюнча, кыз өзүнүн курсагындагы баласын боюнан түшүрүү үчүн дарыларды ичип, андан кийин төрөп, баласын таежесинин үйүндөгү дааратканага таштап кеткен. Ымыркай дааратканадан чыгарылып, Сокулук районунун аймактык ооруканасына жеткирилген, бирок ал ооруканадан чарчап калган.

Соттук териштирүүдө айыпталуучу күнөөсүн толугу менен моюнуна алганы жазылат маалыматта.