Бишкекте “Ата-энем - ырысым, ата энем – бакытым” аттуу сынактын жыйынтыгы чыгарылат

Эмгек, миграция жана жаштар министрлиги “Келечек жаштары” коомдук фонду менен биргеликте “Ата-энем - ырысым, ата энем – бакытым” аттуу сынагынын финалын өткөрөт. Иш-чара 11-сентябрда Т.Сатылганов атындагы Кыргыз улуттук филармонияда болот. Ага Эмгек, миграция жана жаштар министри Алиясбек Алымкулов, ЖКнын депутаттары, Өкмөттүк аппаратын өкүлдөрү жана башкалар катышат. Бул сынактын максаты – жаштарды улууларды урматтоого багыттоо жана ата-эне менен баланын ортосундагы мамилени чыңдоо. Иш-чарада 6 наам боюнча белектер тапшырылып, андан соң жергиликтүү ырчылардын катышуусунда концерт өтөт.