Бишкекте 24 жаштагы айдоочу жөө жүргүнчүнү сүзүп, ал окуя болгон жерден каза болду

Бишкекте 24 жаштагы айдоочу жөө жүргүнчүнү сүзүп, ал окуя болгон жерден каза болду. Бул тууралуу патрулдук милициядан билдиришти.

Жол кырсыгы 5-июль күнү болжол менен саат 23:30 чамасында болгон.

Анда 1996-жылы туулган М.А. аттуу айдоочу Хонда Фит үлгүсүндөгү унаасында Тоголок Молдо көчөсү менен түштүктү көздөй бара жатып, Щербаков көчөсүнүн кесилишинен жашы болжол менен 50-55 курактагы жөө жүргүнчүнү сүзүп алган.

Натыйжада жөө жүргүнчү окуя болгон жерден каза болгон.

Азыркы учурда тиешелүү экспертизалар дайындалып, жол кырсыгынын келип чыгуу себебин такташууда.