Бишкекте кытайлык делегациянын кортежи келе жаткан учурда БМВнын айдоочусу МАИчини тоготпой көчөгө чыгууга аракет кылып, аны сүздү

Бишкекте 11-сентябрь күнү кытай делегациясынын кортежи келе жаткан учурда бир айдоочу МАИчини тоготпой БМВ X5 (В7227А) унаасы менен көчөгө чыгууга аракет кылды. Окуя Тынчтык проспекти менен Иманалиев көчөлөрүнүн кесилишинде болду. Айдоочу Аскарбек Байтереков жол кайгуул кызматкерине моюн сунбай аны сүзүп, МАИчинин капотко жыгылганыга карабай унааны 30 метрдей жерге чейин айдап барыптыр. Бул учурда "Ала-Арча" мамлекеттик резиденциядан чыккан кортеж аталган аймактан өтүп кеткен эле. Окуя учурунда жаракат алган жол кайгуул кызматкери Н.Абдрахманов ооруканага жеткирилди. Ал эми тартип бузган айдоочу эч кандай айыл өкмөтү эмес экенин Бишкек ШИИББи билдирди. Ал жаран ошол күнү эле коё берилгенин, учурда тергөө жүрүп жатканын айтышты ШИИББиден. Айта кетсек, кечээ Кытайдын төрагасы Си Цзиньпин Кыргызстанга расмий иш сапары менен келген.