Депутат Курманбек Дыйканбаев ажылык сапарга баруучулар эмдөөдөн өтө электигин билдирди

Бүгүн, 12-сентябрда депутат Курманбек Дыйканбаев учурда ажылык сапарга аттанып жатышкан зыяратчылардын бири дагы эмдөөдөн өтө электигин айтып, ажылык сапарды уюштуруучуларга нааразы болду. “Зыяратчылар 3-сентябрга чейин эмдөөдөн өтүшү керек эле, бүгүнкү күндө ажылык сапарга аттанууну көздөп жаткан 3600 жарандын бири дагы эмдөөдөн өтпөптүр. Саламаттыкты сактоо министрлиги менен Дин иштери боюнча комиссия эмне кылып жатат? Ушундай мамиледен улам эл жапа чегет”,- деди ал.