Эркин Асрандиев: "Сырттан келген каражаттын 120 миллион доллары 5 жылдан 10 жылга чейинки мөөнөткө карызга берилген"

Сырттан келген 148 миллион доллар каражат учурда Улуттук банктын эсебинде турат. Бул каражаттын көбүн экономиканы кайра калыбына келтирүү, ишкердикти жандандырууга жумшайлы деп пландап жатабыз дейт вице-премьер-министр Эркин Асрандиев.

"148 миллиондун ичинен 121 миллион доллары Эл аралык валюта фондунун экинчи траншы. Бул жардамдын 80 миллион доллары 5 жылга, 40 миллион доллары 10 жыл мөөнөткө карызга берилген. Мындан улам биз бул каражаттарды кайрадан төлөөгө жеңил болуш үчүн алгач экономиканы кайра жандандырууга жана ишкердикти колдоого, тагыраагы насыя катары 3, 4, 7 жылдык мөөнөт менен берсек, кийин ал акчаларды тышкы карызды жапканга жумшоону пландап жатабыз.

Учурда Улуттук банктын эсебинде турган каражаттар коронавирус илдети менен күрөшүүгө муктаждыктар болсо ошол жакка дагы сарпталат”, - деди Асрандиев